На 14 декември 2025 година, во просториите на Д Стронгест Скопје, со почеток во 11:00 часот, успешно се одржа Државното првенство во мешани боречки вештини, на кое учество зедоа сите клубови членки на Македонската ММА Федерација, со вкупно 25 натпреварувачи, меѓу кои и европските ММА шампиони Даниела Алексовска и Марко Трајановски. Настанот помина во одлична организација и спортска атмосфера, со голем број квалитетни и динамични борби во младинска, јуниорска и сениорска конкуренција.
Според официјалниот бодовен систем утврден од Федерацијата, најуспешен клуб на првенството беше Д Стронгест Скопје, кој го освои првото место.
| 1. Д Стронгест Скопје | 39 бодови |
| 2. Будо Кавадарци | 18 бода |
| 3. Будо Велес | 15 бода |
| 4. Титан ММА Штип | 13 бода |
| 5. Хулк ММА | 10 бода |
| 6. ММА Комбат Бутел | 9 бода |
| 7. Алфа ММА Тетово | 3 бода |
Супервизор на првенството беше Ивица Алексовски, кој се погрижи натпреварувањето да се одвива според сите пропишани правила и стандарди на Меѓународната ММА Федерација, каде Македонската Федерација е полноправен член.
Државното ММА првенство уште еднаш ја потврди растечката популарност и квалитетот на мешаните боречки вештини во Македонија, како и посветеноста на клубовите, тренерите и Федерацијата кон развојот на овој спорт. Организаторите упатуваат честитки до сите натпреварувачи и клубови за прикажаните резултати и спортско однесување, со уверување дека ваквите настани ќе продолжат да го унапредуваат ММА спортот на национално ниво.